بقلم الشاعر /جاسم الركاض أبو خالد
سلطنة عمان __ الخابوره
ما هل دمعي ياالغلا يوم وأبكيت
إلا على فرقاك أمطرت مثل السحابه
هجرتني ولأني في حقك أخطيت
وجرحتني والجرح ٠٠٠ يزيد إلتهابه
أيش هو ذنبي يوم أنا عاد حبيت
وأيش هو ذنبي أتجرع الحب وعذابه
أجمل ليالينا ما بعمري تناسيت
يامن معاه القلب رجعني شبابه
كثير أنا بسباب هجرك تأذيت
شارفت أنا للموت وحالي غدابه
ما جاني حبك مثل ما انا تمنيت
أعطيتك الود وقلبي شرعت بابه
ياليت من أحببت مثل ما حبيت
لن غبت عن عينه يتصنع إسبابه
يزورني ويطرق على دروازة البيت
وأنا ما لقاني يخفي ماهو
عنابه
يا شاغل أفكاري زورني بك ترجيت
الشوق ذابحني والحزن جدمت ثيابه
الليل موحش بدونك والدمع أخفيت
عيوني على باب الوصل في رقابه
كل القصايد في غيابك أنا أعنيت
وحالي ذبل من كثر والله مصابه
لجلك شربت المر لكن ما تعافيت
والصبر ياالمحبوب زاد فيني الكأبه
خافي ودادك ما بعمري شكيت
عن العذال تدري بقلبي وما جرابه
حافي القدم جمر أشواقي أوطيت
يتصورلي خيالك ٠٠٠ وأتبع سرابه
معقوله كل هذا ماسمعت يوم ناديت
معقوله طيفي فكر بالك ما طرابه
غيرك رجا بعد ربي ما ترجيت
انت السعاده لقلبي وانت اطلابه
ماهل دمعي ياالغلا يوم وأبكيت
إلا على فرقاك أمطرت مثل السحابه
